ნიუ-იორკის უცხოელ კონსულთა საზოგადოებამ (SoFC) ქალაქ ნიუ-იორკის მერიასთან ერთად, აღნიშნა 100 წლის იუბილე თემით – „დიპლომატიის მემკვიდრეობა, შესაძლებლობების მომავალი“
ღონისძიებაში მონაწილეობდა საქართველოს გენერალური კონსული მაია ბართაია, რომელიც ასევე ასრულებს საზოგადოების ვიცე-პრეზიდენტის როლს.
ღონისძიების მიმდინარეობისას ნიუ-იოკრის მერიამ უცხოელ კონსულთა საზოგადოებას გადმოსცა ოფიციალური პროკლამაცია, რომელიც აღიარებს ორგანიზაციის 100-წლიან დიპლომატიურ მსახურებას და კვლავ ადასტურებს ქალაქის პარტნიორობას დიპლომატიურ საზოგადოებასთან.
აღსანიშნავია რომ, საქართველოს გენერალური საკონსულოს ინიციატივით, მიღებას კულტურული პროგრამით უძღვებოდა ქართული დიასპორის წარმომადგენელი მომღერალი ნინი წიკლაური ბენდთან ერთად.
ღონისძიებამ გააერთიანა 200-ზე მეტი სტუმარი, მათ შორის სახელმწიფო დეპარტამენტის მაღალჩინოსნები, დიპლომატები, ქალაქის ოფიციალური პირები და საერთაშორისო პარტნიორები.
უცხოელ კონსულთა საზოგადოება (SoFC) , რომელიც 1925 წლიდან მოქმედებს, აერთიანებს საკონსულოებს, აქტიურად თანამშრომლობს აშშ-ის სახელმწიფო დეპარტამენტთან და ადგილობრივ ხელისუფლებასთან, ხელს უწყობს კულტურულ-სოციალური და საქველმოქმედო ღონისძიებების ორგანიზებას ნიუ-იორკში.
