მსჯავრდებულებსა და კალათბურთის სამოყვარულო ლიგის გუნდის წევრებს შორის ამხანაგური მატჩი გაიმართა
სპეციალური პენიტენციური სამსახური აგრძელებს დაწესებულებებში ჯანსაღი ცხოვრების წესის ხელშეწყობას. ამჯერად №16 დაწესებულებაში კალათბურთის სამოყვარულო ლიგის გუნდის წევრებსა და მსჯავრდებულებს შორის ამხანაგური მატჩი გაიმართა.
სპორტული აქტივობები ხელს უწყობს მსჯავრდებულთა რეაბილიტაცია-რესოციალიზაციას, რაც მათ საზოგადოების სრულფასოვან წევრებად დაბრუნებასა და ინტეგრაციაში დაეხმარება.
ამ მიზნით პენიტენციურ სისტემაში დაინერგა სპორტის მართვის სტრატეგია, რომელიც ბრალდებულთა და მსჯავრდებულთა სპორტულ აქტივობებში ჩართვას ითვალისწინებს.
სპეციალური პენიტენციური სამსახური / Special Penitentiary Service of Georgia
