მაუგლის ტრაგიკული რეალური ისტორია – ბიჭი, რომელიც ჯუნგლებში გაიზარდა

რადიარდ კიპლინგის „ჯუნგლების წიგნის“ ლეგენდარული მაუგლი ნაწილობრივ რეალური ისტორიის მიხედვით შეიქმნა. მისი პროტოტიპად ხშირად მოიხსენიებენ დინა სანიჩარს მე-19 საუკუნეში ინდოეთში აღმოჩენილ „მგელ-ბიჭს“.

1872 წელს მონადირეებმა უტარ-პრადეშში იპოვეს ბავშვი, რომელიც მგლების ხროვასთან ერთად ცხოვრობდა, ოთხზე დადიოდა და ადამიანურ ენას არ ფლობდა. იგი ბავშვთა სახლში გადაიყვანეს, თუმცა მიუხედავად მრავალი მცდელობისა, დინა ვერასდროს დაეუფლა ლაპარაკს, კითხვას ან წერას. მას უჭირდა ადამიანურ გარემოსთან შეგუება, ამჯობინებდა უმ საკვებს და ცხოველურ ქცევებს ინარჩუნებდა.

სანიჩარი ადამიანებს შორის თავს მუდამ უცხოდ გრძნობდა. ის 1895 წელს, მხოლოდ 29 წლის ასაკში, ტუბერკულოზით გარდაიცვალა.
მისი მძიმე ცხოვრება სრულიად განსხვავდება ზღაპრული მაუგლის ბედისგან.

სწორედ ამ ტრაგიკულმა რეალობამ შთააგონა კიპლინგი „ჯუნგლების წიგნის“ შექმნაზე – ისტორიამ, რომელიც წიგნსა და ეკრანზე ბედნიერი დასასრულით დასრულდა, მაგრამ რეალურ ცხოვრებაში ასე არ მოხდა.