მარნეულში 2005 წელს დაბადებული გოგონას გატაცების საქმეზე შსს-მ 7 პირი დააკავა
შინაგან საქმეთა სამინისტროს ინფორმაციით, ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა, თავისუფლების უკანონო აღკვეთის, იძულებისა და მძიმე დანაშაულის შეუტყობინებლობის ბრალდებით, 7 პირი დააკავეს.
დაკავებულთა შორის არიან:
- 1996 წელს დაბადებული ე.ა.
- 1982 წელს დაბადებული, წარსულში ნასამართლევი შ.ს.
- 1970 წელს დაბადებული თ.მ.
- 1993 წელს დაბადებული შ.გ.
- 1948 წელს დაბადებული რ.ა.
- 1993 წელს დაბადებული ჯ.ა.
- 1968 წელს დაბადებული ე.ა.
🔎 გამოძიებით დადგინდა, რომ მარნეულის მუნიციპალიტეტის ერთ-ერთ სოფელში, ე.ა.-მ შ.ს.-ს დახმარებით, ცოლად შერთვის მიზნით, ქალისა და მამაკაცის თანასწორობის შეუწყნარებლობის მოტივით, 2005 წელს დაბადებულ გოგონას უკანონოდ აღუკვეთა თავისუფლება.
🚔 პოლიციამ ინფორმაციის მიღებისთანავე მყისიერად დაადგინა გატაცებული გოგონას ადგილმდებარეობა და დამნაშავეები ცხელ კვალზე დააკავა.
ასევე დაკავებულები არიან ის პირები, რომლებსაც ფლობდნენ ინფორმაციას მომხდარი დანაშაულის შესახებ, თუმცა სამართალდამცველებისთვის არ მიუმართავთ.
⚖️ გამოძიება მიმდინარეობს საქართველოს სისხლის სამართლის კოდექსის:
- 143-ე მუხლის მე-3 ნაწილის „ა“ ქვეპუნქტით (თავისუფლების უკანონო აღკვეთა წინასწარი შეთანხმებით ჯგუფის მიერ),
- 150-ე მუხლით (იძულება),
- 376-ე მუხლის პირველი ნაწილით (დანაშაულის შეუტყობინებლობა).
აღნიშნული დანაშაულები სასჯელის სახით 7-დან 10 წლამდე ვადით თავისუფლების აღკვეთას ითვალისწინებს.