მარნეულში აგვისტოს ომის გმირებს პატივი მიაგეს

მარნეულის მუნიციპალიტეტის ხელმძღვანელებმა და საზოგადოების წარმომადგენლებმა ერთად გაიხსენეს 2008 წლის აგვისტოს ომში დაღუპული გმირები და მათი თავგანწირვა.

მემორიალი გვირგვინებით შეამკეს. დაღუპულთა სულების მოსახსენიებელ პანაშვიდს ესწრებოდნენ, როგორც ადგილობრივი თვითმმართველობის წარმომადგენლები, ასევე გმირების ოჯახის წევრები და ვეტერანები.

ადგილობრივი ხელისუფლების გადაწყვეტილებით, ომში დაღუპული ჯარისკაცების ოჯახებს სიმბოლური საჩუქრები და ფულადი დახმარება გადაეცათ — მცირე, მაგრამ გულწრფელი გზავნილი, რომ მათი მსხვერპლი არასდროს დაივიწყება და მათი ხსოვნა ჩვენთვის ძალიან მნიშვნელოვანია.

მარნეული გმირებს მუდამ პატივს სცემს და მათი მაგალითი მომავალი თაობებისთვის არის ერთგულებისა და სამშობლოს სიყვარულის სიმბოლო.

სასულიერო პირმა დაღუპულთა სულების მოსახსენიებელი პანაშვიდი აღავლინა.