გარდაბნის მუნიციპალიტეტის ხელმძღვანელებმა აგვისტოს ომში დაღუპულთა ხსოვნას პატივი მიაგეს
გარდაბნის მუნიციპალიტეტის მერმა დავით კარგარეთელმა, საკრებულოს თავმჯდომარემ მიხეილ გედეხაურმა, მერის პირველმა მოადგილემ რამაზ ბუდაღაშვილმა და ადგილობრივი თვითმმართველობის სხვა ხელმძღვანელებმა პირადად მოინახულეს 2008 წლის აგვისტოს ომში გმირულად დაღუპული სამი ახალგაზრდა – ლევან დევდარიანი, ევგენი ხარძიანი და ზურაბ ბეგიაშვილი – და მათი ოჯახები.
ეს სამგლოვიარო შეხვედრა იყო ღრმა პატივისცემისა და თანაგრძნობის გამოხატვა, ასევე სიმტკიცის და ერთიანობის მტკიცებულება – ისინი, ვინც ახლობლები დაკარგეს, ყოველთვის უნდა იგრძნონ, რომ მათი მწუხარება სახელმწიფოსა და საზოგადოებისთვის უმნიშვნელოვანესია.
„2008 წლის რუსეთ-საქართველოს ომმა სამწუხაროდ, ჩვენს მუნიციპალიტეტსაც მტკივნეული კვალი დაუტოვა – სამი გარდაბნელი ახალგაზრდა დაიღუპა. კიდევ ერთხელ ვიხსენებთ ლევან დევდარიანის, ევგენი ხარძიანის და ზურაბ ბეგიაშვილის სახელებს და ქედს ვიხრით მათი ხსოვნის წინაშე. აგვისტოს ომიდან 17 წლის შემდეგ, ჩვენ, ყველამ, კიდევ უფრო მძაფრად უნდა გავაცნობიეროთ მშვიდობის ფასი და ერთობლივი ძალებით უნდა დავიცვათ ჩვენი ქვეყნის ერთიანობა,“ – განაცხადა გარდაბნის მუნიციპალიტეტის საკრებულოს თავმჯდომარემ – მიხეილ გედეხაურმა.
აგვისტოს ომმა გვაჩვენა, თუ რამდენად ძვირფასია მშვიდობა და რამდენად მნიშვნელოვანია, ყველამ ერთიანად დავიცვათ ჩვენი ქვეყანა და მისი სუვერენიტეტი. სწორედ ამიტომ, დღეს კიდევ უფრო ვგრძნობთ პასუხისმგებლობას ჩვენი სამშობლოსა და მომავალი თაობების წინაშე.
