მარნეულის საკრებულოში ინფრასტრუქტურული საკითხები განიხილეს
მარნეულის საკრებულოში კიდევ ერთხელ შეიკრიბნენ, რათა იმაზე ესაუბრათ, რაც ყველაზე მეტად აწუხებს მოსახლეობას – გზები, წყალმომარაგება, განათება და სხვა ინფრასტრუქტურული საკითხები.
სხდომას კომისიის თავმჯდომარე ადილ ალიევი ხელმძღვანელობდა. მისი თქმით, მთავარი ამოცანაა, ადგილობრივების საჭიროებები მაქსიმალურად გაითვალისწინონ და პროექტები ისე დაიგეგმოს, რომ მათ ყოველდღიურ ცხოვრებაში რეალური შედეგი იგრძნონ.
განსაკუთრებული ყურადღება დაეთმო იმ ინფრასტრუქტურულ სამუშაოებს, რომლებიც უკვე მიმდინარეობს, თუმცა საუბარი იყო მომავალ გეგმებზეც.
შეხვედრას საკრებულოს თავმჯდომარის პირველი მოადგილე ტარიელ მამედოვი, საკრებულოს წევრები, მერის წარმომადგენლები სოფლებში და ადგილობრივი თვითმმართველობის ხელმძღვანელი პირები ესწრებოდნენ.
მოსახლეობას იმედი აქვს, რომ მიღებული გადაწყვეტილებები მალე კონკრეტულ პროექტებად გადაიქცევა და მარნეულში ინფრასტრუქტურული პრობლემები ეტაპობრივად მოიხსნება.
