ბელიაშვილის ქუჩაზე, ნარჩენების გადამტვირთ სადგურზე ახალი ინფრასტრუქტურის მშენებლობა მიმდინარეობს
„პირველ რიგში, ტერიტორიაზე განხორციელდა მტკვრის ნაპირსამაგრი სამუშაოები, შესაბამისი ინფრასტრუქტურის მშენებლობა კი აქტიურ ფაზაშია. კერძოდ, ეწყობა ცილინდრული ტიპის დანადგარები საპრესი მოწყობილობით, რაც საგრძნობლად დააჩქარებს და ოპტიმალურს გახდის ნარჩენების გადატვირთვის პროცესს, გაზრდის ნარჩენების გადაზიდვის ეფექტიანობას და მოაწესრიგებს იქ არსებულ ინფრასტრუქტურას. ასევე, თანამშრომლებისთვის შენდება საოფისე შენობა, ეწყობა მოდერნიზებული სამრეცხაო და სპეცტექნიკისთვის განკუთვნილი პარკინგი“, – განაცხადა თბილისის მერმა კახა კალაძემ დღეს დედაქალაქის მთავრობის სხდომაზე.
