კორპუსის ნგრევა თბილისში – მიმდინარეობს ევაკუაცია და საძიებო-სამაშველო სამუშაოები
შინაგან საქმეთა სამინისტროს ინფორმაციით– თბილისის სადგურის მოედნის მიმდებარე ტერიტორიაზე ერთ-ერთ საცხოვრებელ კორპუსში ნგრევის შესახებ შეტყობინების მიღებისთანავე, ადგილზე მობილიზდა საგანგებო სიტუაციების მართვის სამსახურის მეხანძრე-მაშველთა ჯგუფები და საპოლიციო ძალები.
მეხანძრე-მაშველებმა მოქალაქეთა ევაკუაცია დაუყოვნებლივ განახორციელეს. ამ ეტაპზე გრძელდება ნანგრევების გაწმენდა და ინტენსიური საძიებო-სამაშველო სამუშაოები. ადგილზე იმყოფებიან სასწრაფო სამედიცინო დახმარების ჯგუფებიც.
შსს მოქალაქეებსა და მედიას მოუწოდებს, დაემორჩილონ სამართალდამცველების მითითებებს და დაიცვან უსაფრთხოების ყველა ნორმები.
