ზუგდიდში ყაჩაღობის ბრალდებით 2001 წელს დაბადებული პირი დააკავეს
შინაგან საქმეთა სამინისტროს სამეგრელო–ზემო სვანეთის პოლიციის დეპარტამენტის თანამშრომლებმა ყაჩაღობის ბრალდებით 2001 წელს დაბადებული ბ.გ. დააკავეს.
გამოძიებით დადგინდა, რომ 5 იანვარს, ზუგდიდში, ბრალდებულმა ერთ-ერთი სუპერმარკეტის თანამშრომელს იარაღის მუქარით თანხა მოსთხოვა, თუმცა განზრახვა სისრულეში ვერ მოიყვანა და შემთხვევის ადგილიდან მიიმალა.
👮♂️ ოპერატიული ღონისძიებებისა და საგამოძიებო მოქმედებების შედეგად, პოლიციამ ბ.გ. მომხდარიდან მალევე დააკავა. დანაშაულის ჩადენის იარაღი ნივთმტკიცებად არის ამოღებული.
⚖️ გამოძიება მიმდინარეობს საქართველოს სისხლის სამართლის კოდექსის 179-ე მუხლით, რაც 7 წლამდე ვადით თავისუფლების აღკვეთას ითვალისწინებს.