შსს-მ საქართველოდან უცხო ქვეყნის 13 მოქალაქე გააძევა
შინაგან საქმეთა სამინისტროს მიგრაციის დეპარტამენტის თანამშრომლებმა, სამინისტროს შესაბამის დანაყოფებთან კოორდინაციით, ბოლო დღეებში საქართველოდან 13 უცხო ქვეყნის მოქალაქე გააძევეს.
შსს-ს ინფორმაციით, ჩატარებული კომპლექსური ღონისძიებების შედეგად ქვეყნიდან გააძევეს თურქმენეთის, ირანის, კუბის, თურქეთის, ტაილანდისა და აზერბაიჯანის მოქალაქეები.
📊 აღსანიშნავია, რომ გასული წლის განმავლობაში საქართველოდან ჯამში 1311 უცხო ქვეყნის მოქალაქე გააძევეს.
⚖️ მოქმედი კანონმდებლობის შესაბამისად, გაძევებულ პირებს ქვეყანაში შემოსვლის აკრძალვა დაუწესდათ.
შინაგან საქმეთა სამინისტროს მიგრაციის დეპარტამენტი ინტენსიურ რეჟიმში განაგრძობს საიმიგრაციო კონტროლს და საქართველოში სამართლებრივი საფუძვლის გარეშე მყოფი პირების გამოვლენას.