ზაურ დვალაშვილი მსოფლიოს უნივერსიადის ვიცე-ჩემპიონია
გერმანიაში მიმდინარე მსოფლიოს უნივერსიადაზე საქართველოს დელეგაციას ვერცხლის მედალი ძიუდოისტმა ზაურ დვალაშვილმა (-81 კგ) მოუტანა. ფინალურ შეხვედრაში დვალაშვილი იაპონელ კაიტო ამანოსთან დამარცხდა.
ფინალამდე ქართველმა სპორტსმენმა წარმატებით დაამარცხა კვიპროსელი, ლიბანელი და უკრაინელი ძიუდოისტები, ნახევარფინალში კი ამერიკელი მეტოქე დაამარცხა.
ამ ეტაპზე საქართველოს ნაკრების ანგარიშზე ორი მედალია: ვერცხლთან ერთად, ტაეკვონდოისტმა ზურაბ კინწურაშვილმა (-74 კგ) ოქროს მედალი მოიპოვა, ფინალში ბრაზილიელი ვინისიუს მატოსის დამარცხებით.