დედაქალაქის მერის, კახა კალაძის განცხადებით, რუსთაველის გამზირის სრული რეაბილიტაციისთვის გამოცხადებული ტენდერი არ ჩავარდნილა
„არაფერი ჩაშლილა. ტენდერი არ ჩავარდნილა. რამდენიმე ლოტზე იყო გამოცხადებული ტენდერი. იცით, რომ საკმაოდ დიდ ტერიტორიაზეა საუბარი. შესაბამისად, ოთხ ლოტად გვქონდა გამოცხადებული. აქედან ორ მათგანზე უკვე გვყავს გამარჯვებული კომპანია, ორზე კი გარკვეული შეუსაბამობები იყო. ამის გამო კომპანიებმა ვერ მიიღეს მონაწილეობა. თუმცა, ხელახლა ჩატარდება და გამარჯვებული კომპანიებიც გვეყოლება და მალევე საუშაოებსაც დავიწყებთ“, – განაცხადა ჯურნალისტებთან საუბრისას თბილისის მერმა კახა კალაძემ.