ბოლნისში უკანონო ტყითსარგებლობის ფაქტი გამოვლინდა – გარემოს დაცვის სამინისტრო მონიტორინგს აძლიერებს

ბოლნისის მუნიციპალიტეტში სამართალდამრღვევმა სახელმწიფო ტყეში 6 კუბურ მეტრამდე რცხილის სახეობის საშეშე მერქანი უკანონოდ მოიპოვა. სამართალდარღვევის ფაქტზე მაღალი გამავლობის სატრანსპორტო საშუალება დაილუქა, შედგა ადმინისტრაციული სამართალდარღვევის ოქმი, ხოლო უკანონოდ მოპოვებული ხე-ტყე გადატანილია ბოლნისის „საქმიან ეზოში“.

2025 წლის პირველი ექვსი თვის განმავლობაში, ეროვნული სატყეო სააგენტოს ქვემო ქართლის სამსახურის თანამშრომლებმა ტყითსარგებლობის წესების დარღვევის 26 ფაქტი გამოავლინეს, მაშინ როცა 2024 წლის ანალოგიურ პერიოდში 69 ფაქტი იყო დაფიქსირებული. უწყების ცნობით, სამართალდარღვევების რაოდენობა გასულ წელთან შედარებით საგრძნობლად შემცირდა.