ბოლნისის მერი ნოდარ გოგებაშვილის პერსონალური გამოფენის გახსნას დაესწრო
ბოლნისის მერი ზამურ ჭითანავა პირველ მოადგილე ალექსანდრე ზაბახიძესა და საკრებულოს თავმჯდომარე გიორგი სვანიძესთან ერთად ბოლნისის მუზეუმში მხატვარ ნოდარ გოგებაშვილის პერსონალური გამოფენის გახსნას დაესწრო.
გამოფენაზე წარმოდგენილია მხატვრის ფერწერული ტილოები და ნამუშევრები თიხაში, ქვასა და ხეში. ნოდარ გოგებაშვილი 2010 წლიდან ხელმძღვანელობს სახელოვნებო სტუდია „ოპიზარს“ და მონაწილეობა აქვს მიღებული არაერთ ადგილობრივ და საერთაშორისო გამოფენაში.
გამოფენის ნახვა დამთვალიერებელს 20 მაისამდე უფასოდ შეუძლია.