HER-2 დადებითი ადგილობრივად გავრცელებული და მეტასტაზური ფორმის ძუძუს კიბოს დიაგნოზის მქონე მოქალაქეების დასახმარებლად თბილისის მერია – 18, რიგ შემთხვევაში კი, გაცილებით მეტ ინფუზიას აფინანსებს
ძვირადღირებული სამკურნალო მედიკამენტები პროგრამის ყველა მოსარგებლეს სრულად, 100%-ით უფინანსდება. ერთი პაციენტის მკურნალობის სრული კურსის ჩასატარებლად, მინიმუმ 24 750 და მაქსიმუმ 70 110 ლარი გამოიყოფა.
„ძუძუს კიბოს სამკურნალო მედიკამენტების დაფინანსების“ პროგრამის 2025 წლის ბიუჯეტი 6 660 000 ლარს შეადგენს.