ვინ არის ე.წ. “კა­ნო­ნი­ე­რი ქურ­დი“ რე­ვაზ უბი­ლა­ვა, მეტ­სა­ხე­ლად “ჯვარ­სკი“

ე.წ. “კა­ნო­ნი­ე­რი ქურ­დი“ რე­ვაზ უბი­ლა­ვა მეტ­სა­ხე­ლად “ჯვარ­სკი“ მისი ოჯა­ხის წევ­რე­ბის – დე­დი­სა და ძმის დახ­მა­რე­ბით, აწყობ­და ქურ­დულ გარ­ჩე­ვებს და გა­მოჰ­ქონ­და ე.წ. “ქურ­დუ­ლი გა­და­წყვე­ტი­ლე­ბე­ბი“. პო­ლი­ცი­ამ ორი­ვე მათ­გა­ნი სხვა პი­რებ­თან ერ­თად და­ა­კა­ვა,“ – ავ­რცე­ლებს შსს.

და­კა­ვე­ბუ­ლი რე­ვაზ უბი­ლა­ვა სა­ქარ­თვე­ლო­ში, კერ­ძოდ წა­ლენ­ჯი­ხა­ში 1993 წლის 10 აპ­რილს და­ი­ბა­და. თუმ­ცა ბოლო წლბ­ში ცხოვ­რობ­და მოს­კოვ­ში, თურ­ქეთ­სა და გერ­მა­ნი­ა­ში.

რევაზ უბილავას დაკავებების შესახებ ინფორმაცია იძებნება არქივშიც. 2020 წელს ის სპეცოპერაციის შედეგად წალენჯიხის მუნიციპალიტეტში დააკავეს. გამოძიება მაშინ აცხადებდა, რომ ბრალდებული ოკუპირებული აფხაზეთის ტერიტორიიდან სამეგრელოს რეგიონში შემოვიდა. იქამდე კი წლების განმავლობაში საქართველოს ფარგლებს გარეთ დანაშაულებრივ საქმიანობას ეწეოდა, რის გამოც არაერთხელ იყო დაკავებული სხვადასხვა ქვეყნების სამართალდამცავი უწყებების მიერ. როდის და რა ვითარებაში გათავისუფლდა მაშინ უბილავა, უცნობია. უბი­ლა­ვა კრი­მი­ნა­ლურ სამ­ყა­რო­ში “ყვე­ლა­ზე ახალ­გაზ­რდა კა­ნო­ნი­ე­რი ქურ­დის” სა­ხე­ლით არის ცნო­ბი­ლი. ის “კა­ნო­ნი­ერ ქურ­დად” 2012 წელს, 19 წლის ასაკ­ში “აკურ­თხეს”.