🛑 სამეგრელოში განსაკუთრებით დიდი ოდენობით ნარკოტიკების შენახვა-რეალიზაციის საქმეზე ერთი პირი დააკავეს

🔹 შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დეტექტივებისა და საგამოძიებო სამმართველოს თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, 1989 წელს დაბადებული თ.ჯ. დააკავეს.

🔍 პირი ბრალდებულია განსაკუთრებით დიდი ოდენობით ნარკოტიკული საშუალების უკანონო შეძენა-შენახვასა და რეალიზაციის ხელშეწყობაში.

📍 დანაშაული გათვალისწინებულია საქართველოს სისხლის სამართლის კოდექსის:

• 260-ე მუხლის მე-3 ნაწილის “ა” ქვეპუნქტით — (ნარკოტიკული საშუალების დიდი ოდენობით უკანონო შეძენა-შენახვა),
• და 260-ე პრიმა მუხლის მე-6 ნაწილის “ა” ქვეპუნქტით — (განსაკუთრებით დიდი ოდენობით ნარკოტიკული საშუალების უკანონო რეალიზაციის ხელშეწყობა),
  რაც სასჯელის სახით ითვალისწინებს 20 წლამდე ან უვადო თავისუფლების აღკვეთას.

🧪 საგამოძიებო მოქმედებების შედეგად:

• სამართალდამცველებმა თ.ჯ.-ს პირადი და დროებითი საცხოვრებელი ბინის ჩხრეკისას, ასევე სხვა ადგილებზე, სარეალიზაციოდ განთავსებული, განსაკუთრებით დიდი ოდენობით ნარკოტიკული საშუალება „მეთადონის“ შემცველი გრანულები და ფხვიერი მასა ამოიღეს.
• ამავე ოპერაციის ფარგლებში ამოღებულია ნარკოტიკული საშუალების დაფასოებისთვის საჭირო მასალები, ელექტროსასწორი, წებოვანი ლენტები, ასევე სავარაუდოდ ნარკორეალიზაციიდან მიღებული თანხა.

🛡️ გამოძიება გრძელდება, დანაშაულში მონაწილე სხვა პირების დადგენისა და საქმის დეტალების დაზუსტების მიზნით.