🛑 განზრახ მკვლელობის მცდელობის ბრალდებით ერთი პირი დააკავეს

შინაგან საქმეთა სამინისტროს ინფორმაციით, თბილისის პოლიციის დეპარტამენტის დიდუბე-ჩუღურეთის მთავარი სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1988 წელს დაბადებული, წარსულში ნასამართლევი და ამჟამად პირობითი მსჯავრის ქვეშ მყოფი მ.ა. დააკავეს.

📌 ბრალდება: განზრახ მკვლელობის მცდელობა
📅 დანაშაული მოხდა ურთიერთშელაპარაკების ნიადაგზე – ბრალდებულმა 1977 წელს დაბადებულ დ.ა.-ს ცივი იარაღით გულმკერდისა და მუცლის არეში რამდენიმე ჭრილობა მიაყენა და შემთხვევის ადგილიდან მიიმალა.

🚑 დაზარალებული მამაკაცი ამ დროისთვის სამედიცინო დაწესებულებაშია მოთავსებული.

🔍 პოლიციამ მ.ა. ცხელ კვალზე დააკავა.
📎 ნივთმტკიცებად ამოღებულია დანაშაულის ჩადენის იარაღი – დანა.

⚖️ გამოძიება მიმდინარეობს საქართველოს სისხლის სამართლის კოდექსის 19-108-ე მუხლით, რაც განზრახ მკვლელობის მცდელობას გულისხმობს და 10-დან 15 წლამდე თავისუფლების აღკვეთას ითვალისწინებს.