🔹 ბოლნისის მერობის კანდიდატი ზამურ ჭითანავა დისველის მოსახლეობას შეხვდა

ბოლნისის მერობის კანდიდატი ზამურ ჭითანავა საარჩევნო კამპანიის ფარგლებში დისველის მოსახლეობას შეხვდა. შეხვედრის დროს მან მოისმინა ადგილობრივების საჭიროებები, შეხედულებები და მათთან ერთად განიხილა თვითმმართველობის განვითარების სამომავლო გეგმები.

ზამურ ჭითანავას განცხადებით, ასეთი უშუალო შეხვედრები უმნიშვნელოვანესია, რათა თვითმმართველობამ რეალურად განსაზღვროს პრიორიტეტები და ქმედითი ნაბიჯები დაგეგმოს მოსახლეობის საჭიროებებზე მორგებულად.

„მოსახლეობის გულთბილმა დამოკიდებულებამ კიდევ უფრო მეტი ძალა და მოტივაცია მომცა, რომ ბოლნისელთა ინტერესების დაცვას ენერგიულად და ერთგულად შევუდგე. გვჭირდება ერთიანობა, თანადგომა და სწორედ ამას ვხედავ ხალხში — სურვილს, რომ ერთად ვიპოვოთ გამოსავალი არსებულ გამოწვევებზე“, – აღნიშნა კანდიდატმა.

ჭითანავამ ხაზი გაუსვა, რომ მისთვის, როგორც რიგითი ბოლნისელისთვის, მნიშვნელოვანია თანაქალაქელებთან და გუნდის წევრებთან ერთად იმუშაოს მუნიციპალიტეტის განვითარებისათვის, ცენტრალურ ხელისუფლებასთან მჭიდრო თანამშრომლობით.

„ეს არის ჩემთვის შესაძლებლობა – ვემსახურო ბოლნისს, ჩემ ხალხს, და ერთად დავდოთ საფუძველი უკეთეს მომავალს. ერთად აუცილებლად გავიმარჯვებთ!“

📍 ზამურ ჭითანავა საარჩევნო კამპანიის ფარგლებში აქტიურად მართავს შეხვედრებს ბოლნისის სხვადასხვა სოფლისა და უბნის მოსახლეობასთან, რათა მათი მოსაზრებების საფუძველზე ჩამოყალიბდეს ქმედითი სამოქმედო პროგრამა.