📚 როგორ მიმდინარეობს საგამოცდო პროცესი – მნიშვნელოვანი ინფორმაცია აბიტურიენტებისთვის

ℹ️ გაითვალისწინეთ:

👤 რეგისტრაციის დასრულების შემდეგ, გამოსაცდელი იკავებს მისთვის წინასწარ განსაზღვრულ ადგილს შესაბამის სექტორში.

🖊️ სამუშაო მაგიდაზე დახვდება:

• პასუხების ფურცელი;
• შავი სამუშაოსთვის განკუთვნილი ფურცელი;
• გამოცდისთვის საჭირო დამხმარე მასალა (მაგ.: რუკა, მენდელეევის ტაბულა).

სურვილის შემთხვევაში, აბიტურიენტს შეუძლია გამოიყენოს საკუთარი შავი ფერის გელიანი (ე.წ. ტუშის) კალამი 0.5–0.7 მმ-იანი ბურთულიანი წვერით.

🚫 თუ კალამზე შესაბამისი მონაცემები მითითებული არ არის, მისი გამოყენება დაუშვებელია.

🔒 ანონიმურობის უზრუნველსაყოფად, პასუხების ფურცელზე დაიკვრება ინდივიდუალური შტრიხკოდი, რომელიც მაგიდის ნომერს შეესაბამება.

⚠️ განსაკუთრებული ყურადღება მიაქციეთ პასუხების ფურცლის დაუზიანებლობას. დაუშვებელია მისი დაკეცვა, დაჭმუჭვნა ან ისეთი ჩანაწერის გაკეთება, რომელიც ტესტის კითხვების პასუხებს არ ეხება.

🎥 ყველა საგამოცდო ცენტრში, როგორც რეგისტრაციის სივრცეში, ისე საგამოცდო სექტორში, დამონტაჟებულია ვიდეოკამერები საგამოცდო პროცესის ჩაწერის მიზნით.

⏳ საგამოცდო დროის ამოწურვის ან სამუშაოს ვადამდე დასრულების შემთხვევაში, დამკვირვებელი ამოწმებს:

• გადატანილია თუ არა პასუხების ფურცელზე სტანდარტული ფრაზა;
• პასუხების ფურცლისა და შტრიხკოდის დაუზიანებლობას.

ამის შემდეგ გამოსაცდელი უწყისში ხელს აწერს (სახელის ინიციალისა და გვარის მითითებით) და ნამუშევარს აბარებს დამკვირვებელს.

📄 მოწმდება მხოლოდ პასუხების ფურცელი.

✅ ამით საგამოცდო პროცესი სრულდება. პასუხების ფურცლები ილუქება და იგზავნება შეფასებისა და გამოცდების ეროვნულ ცენტრში.