დმანისის მუნიციპალიტეტის საკრებულომ მორიგი სხდომა გამართა

სხდომის დაწყებამდე საკრებულოს წევრებმა პატივი მიაგეს ფრაქცია „ქართული ოცნება – დემოკრატიული საქართველოს“ თავმჯდომარის, ილია სარსევანიძის ხსოვნას.

სხდომაზე განიხილეს დღის წესრიგით გათვალისწინებული 11 საკითხი, მათ შორის:

• საკრებულოს წევრის უფლებამოსილების ვადამდე შეწყვეტის შესახებ ინფორმაციის ცნობად მიღება;
• 2026 წლის მუნიციპალიტეტის ბიუჯეტში ცვლილებების შეტანა;
• მერიის საშტატო ნუსხისა და თანამდებობრივი სარგოების ცვლილება;
• მერიის არამუდმივი ამოცანების შესასრულებლად დასაქმებულ პირთა რიცხოვნობის შეთანხმება;
• ადმინისტრაციულ სამართალდარღვევებზე რეაგირებისთვის საჭირო წესისა და ფორმების დამტკიცება;
• მუნიციპალიტეტის ტერიტორიაზე მდებარე საცხოვრებელი სახლების სახურავების რეაბილიტაციის პროგრამის დამტკიცება;
• 2026 წლის სოციალური ქვეპროგრამების განხორციელების წესებში ცვლილებების შეტანა;
• მუნიციპალიტეტის ქონების 2026 წლის საპრივატიზებო ობიექტების ნუსხასა და გეგმაში ცვლილებების განხილვა;
• მუნიციპალიტეტის უძრავი ქონების იჯარის ფორმით გადაცემასთან დაკავშირებით მერისთვის თანხმობის მიცემა;
• მუნიციპალიტეტის ქონების სარგებლობის უფლებით (იჯარის ფორმით) გადაცემასთან დაკავშირებული საკითხის განხილვა;
• „ქალთა და ბავშვთა საკითხებზე მომუშავე მუნიციპალური საბჭოს“ 2026–2027 წლების სამოქმედო გეგმაში ცვლილებების შეტანა.

დღის წესრიგით გათვალისწინებული საკითხები საკრებულოს წევრებმა განიხილეს და შესაბამისი გადაწყვეტილებები მოქმედი კანონმდებლობის შესაბამისად მიიღეს.