📍 სწორი კვება და ფიზმომზადება — სემინარი მანგლისში მომავალი ჩემპიონებისთვის

დღეს დაბა მანგლისში 12-14 წლის ასაკის სპორტსმენებისთვის საინტერესო და სასარგებლო სემინარი გაიმართა, რომელიც სწორ კვებასა და ფიზიკურ მომზადებას მიეძღვნა. 🏋️🥦

🎯 სემინარის მთავარი მიზანი იყო ბავშვებში იმ მნიშვნელოვანი ცოდნის გავრცელება, რაც მათ სრულფასოვან ფიზიკურ განვითარებას, ჯანმრთელობასა და სპორტულ შედეგებზე ორიენტირებულ ვარჯიშს აყალიბებს.

🔸 მონაწილეობდნენ სხვადასხვა სპორტის ჯგუფის წარმომადგენლები – კალათბურთელები 🏀, ფეხბურთელები ⚽ და ფრენბურთელები 🏐.

👨‍⚕️ თითოეულმა მონაწილემ მიიღო პერსონალურად მორგებული კვების გეგმა – ასაკისა და სპორტის სახეობის გათვალისწინებით, რაც მათ დაეხმარება ენერგიის შენარჩუნებასა და ვარჯიშებზე მაღალი კონდიციის შენარჩუნებაში.

📌 ღონისძიებას ესწრებოდნენ ა(ა)იპ „თეთრიწყაროს კულტურისა და სპორტის ცენტრის“ წარმომადგენლები, მათ შორის დირექტორის მოადგილე ბექა ჯანხოთელი, და სპორტის სხვადასხვა სახეობის ადგილობრივი მწვრთნელები.