📍 რუსთავში უეფას IV კატეგორიის სტადიონის მშენებლობისთვის კონკურსში წარმოდგენილი კონცეფციების შეფასება დაიწყო

ქალაქ რუსთავში არსებული ამორტიზებული სტადიონის ადგილზე უეფას IV კატეგორიის ახალი, თანამედროვე სტანდარტების შესაბამისი სტადიონის მშენებლობისთვის გამოცხადებულ კონკურსში წარმოდგენილი კონცეფციების შეფასება დაიწყო.

🔎 ამ ეტაპზე შეფასების კომისიის სხდომა გაიმართა, რომელსაც ესწრებოდნენ:

• ინფრასტრუქტურის მინისტრი რევაზ სოხაძე
• სპორტის მინისტრი შალვა გოგოლაძე
• ინფრასტრუქტურის მინისტრის მოადგილეები ვახუშტი ბაგრატიონი და ილია ბეგიაშვილი
• რუსთავის მერი ნინო ლაცაბიძე
• მუნიციპალური განვითარების ფონდის აღმასრულებელი დირექტორი ბექა ურუშაძე
• ფეხბურთის ფედერაციის წარმომადგენლები
• დარგის სპეციალისტები და სხვა კომისიის წევრები

📐 სხდომაზე განხილულ იქნა სხვადასხვა არქიტექტურული და ფუნქციური კონცეფცია, რომელიც გათვლილია მრავალფუნქციური, უეფას თანამედროვე სტანდარტების შესაბამისი სპორტული ინფრასტრუქტურის შექმნაზე.

📝 შეფასების პროცესი რამდენიმე ეტაპად წარიმართება. საბოლოოდ კი გამოვლინდება გამარჯვებული კონცეფცია, რომელზეც დაყრდნობით შესრულდება დეტალური პროექტირება და დაიწყება ახალი სტადიონის მშენებლობა ქალაქ რუსთავში.

⚽ სტადიონი დაინერგება როგორც სპორტული ღონისძიებებისთვის, ასევე სხვადასხვა კულტურული და სოციალური აქტივობებისთვის.