📌 წალკის მუნიციპალიტეტის პედაგოგებს განათლებაში შეტანილი წვლილისთვის მადლობა გადაუხადეს

წალკის მუნიციპალიტეტის პედაგოგები მომავალ თაობებზე ზრუნვისა და განათლებაში შეტანილი განსაკუთრებული წვლილისთვის მადლობის სიგელებითა და სამახსოვრო საჩუქრებით დაჯილდოვდნენ.

დაჯილდოების ღონისძიებას განათლების, მეცნიერებისა და ახალგაზრდობის მინისტრის მოადგილე ბაია კვიციანი, ქვემო ქართლის სახელმწიფო რწმუნებულის მოვალეობის შემსრულებელი ილია ჯალაღანია, პარლამენტის დელეგატი დავით შერაზადიშვილი და წალკის მერი ილია საბაძე ესწრებოდნენ.

ცენტრალური და ადგილობრივი ხელისუფლების წარმომადგენლებმა მასწავლებლებს მადლობა გადაუხადეს პროფესიისადმი ერთგულებისა და ღირსეული მოქალაქეების აღზრდისთვის.

დაჯილდოებული მასწავლებლები 27 ოქტომბერს თბილისში, ოპერისა და ბალეტის თეატრში დაგეგმილ მასწავლებლის ეროვნული პრემიის დაჯილდოების ცერემონიას დაესწრებიან.