🌸🌸30–31 ოქტომბერს რუსთავში, ქალთა ორგანიზაციისა და კლინიკა „რუსთავის“ პარტნიორობით, ეროვნული სკრინინგ ცენტრის სპეციალისტები ჩაატარებენ უფასო გამოკვლევებს 🌸🌸

კამპანიის მიზანია მოსახლეობის ცნობიერების ამაღლება ძუძუს ჯირკვლის კიბოს ადრეული დიაგნოსტიკისა და პრევენციის მნიშვნელობაზე.

საინფორმაციო შეხვედრა მედიათეკაში გაიმართა, სადაც რუსთაველმა ექიმმა-მამოლოგმა ნანა ესიავამ ისაუბრა სკრინინგის მნიშვნელობასა და დაავადების დროულ აღმოჩენაზე, ასევე უპასუხა დამსწრეთა შეკითხვებს.

უფასო გამოკვლევები ჩატარდება 30 და 31 ოქტომბერს, კლინიკა „რუსთავში“.

ინიციატივა ხორციელდება პარტია „ქართული ოცნების“ რუსთავის ქალთა ორგანიზაციის მიერ,
საზოგადოებრივი ჯანდაცვისა და უსაფრთხო გარემოს ცენტრის მხარდაჭერით,
კამპანია „ვარდისფერი ოქტომბრის“ ფარგლებში.

ორგანიზატორები მოუწოდებენ ქალებს, ისარგებლონ შესაძლებლობით და დროულად ჩაიტარონ სკრინინგი, რაც დაავადების ადრეულ ეტაპზე გამოვლენას და წარმატებული მკურნალობის შანსის გაზრდას უწყობს ხელს.

🌸„ვარდისფერი ოქტომბერი შენი ჯანმრთელობისთვის!“ 🌸