🌲უკანონო ტყითსარგებლობის 4 ფაქტი გამოავლინეს იმერეთში, სამეგრელოში, კახეთსა და აჭარაში

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა უკანონო ხე-ტყის მოპოვებისა და ტრანსპორტირების 4 ფაქტი გამოავლინეს.

📍 დეტალები:

• ხონი, სოფელ გორდი: მოქალაქემ უკანონოდ მოპოვებული 27 ერთეული წიფლის მრგვალი ხე-მორი და 0,5 კუბური მეტრი საშეშე მერქანი ტრანსპორტირებდა.
• მარტვილი: სატვირთო ავტომანქანით 10 კუბური მეტრი სხვადასხვა სახეობის საშეშე მერქანი გადაჰქონდათ.
• საგარეჯო: მოქალაქემ 1,2 კუბური მეტრი რცხილის საშეშე მერქანი გადაიტანა.
• შუახევი: სატვირთო ავტომანქანის ძარაზე 4 ერთეული წიწვოვანი მრგვალი ხე-მორი აღმოაჩინეს.

❗ ყველა შემთხვევა სისხლის სამართლის დანაშაულის ნიშნებს შეიცავს, უკანონოდ მოპოვებული ხე-ტყე დაილუქა, სამართალდამრღვევების მიმართ შედგა შესაბამისი დოკუმენტაცია.

✅ დეპარტამენტის ეკიპაჟები ქვეყნის მასშტაბით 24-საათიან უწყვეტ პატრულირებას ახორციელებენ, რათა დროულად გამოვლენილ იქნას უკანონო ტყითსარგებლობისა და სხვა გარემოსდაცვითი სამართალდარღვევის ფაქტები.

📞 მოქალაქეებს შეუძლიათ მყისიერად მიმართონ ცხელ ხაზს 153-ზე, რათა დაუყოვნებლად განხორციელდეს რეაგირება.