🌱 საქართველოში სასოფლო-სამეურნეო კულტურებში გმო არ იკვეთება

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის მიერ სხვადასხვა რეგიონში დათესილი სასოფლო-სამეურნეო კულტურების ინსპექტირება ჩატარდა.

🔍 სპეციალისტებმა შერჩევითად აიღეს კარტოფილის, სიმინდის, ხორბლის, ქერის, იონჯას, საზამთროსა და პომიდვრის 30 ნიმუში.
🧪 ლაბორატორიული კვლევებით დადგინდა, რომ არც ერთ ნიმუშში გენმოდიფიცირებული (გმო) მარკერი არ აღმოჩნდა, რაც ადასტურებს, რომ ეს პროდუქტები ცოცხალ გენმოდიფიცირებულ ორგანიზმებს არ წარმოადგენს.

📌 შეგახსენებთ, რომ საქართველოში ცოცხალი გენმოდიფიცირებული ორგანიზმების გარემოში კულტივირება კანონით აკრძალულია, და ამ მიმართულებით დეპარტამენტი 2015 წლიდან სისტემურ მონიტორინგს ახორციელებს.

ამ დრომდე შემოწმებულია:

• ✅ 4923.93 ჰა მიწის ნაკვეთი
• ✅ აღებულია 332 ნიმუში
• ⚠️ გმო მარკერი მხოლოდ 2 შემთხვევაში – იონჯას კულტურაში დაფიქსირდა, რაც სისხლის სამართლის ნიშნებს შეიცავდა და შესაბამის უწყებაში გადაიგზავნა.

👉 მონიტორინგი გრძელდება მთელი ქვეყნის მასშტაბით.