ცესკოს თავმჯდომარე გიორგი კალანდარიშვილი ერთ-ერთ უხუცეს ამომრჩეველს – ელენე აბაშიძეს ესტუმრა
ცენტრალური საარჩევნო კომისიის თავმჯდომარე გიორგი კალანდარიშვილი, ცესკოს პრესსპიკერ ნათია იოსელიანთან ერთად, ერთ-ერთ უხუცეს ამომრჩეველს – ელენე აბაშიძეს ესტუმრა.
შეხვედრისას მათ ხანდაზმულ მოქალაქეს მიაწოდეს დეტალური ინფორმაცია 4 ოქტომბრის არჩევნებზე: ელექტრონული ტექნოლოგიების გამოყენება, გადასატანი საარჩევნო ყუთით სარგებლობის შესაძლებლობა და ბიულეტენის შევსების წესი.
გიორგი კალანდარიშვილის თქმით, ხანდაზმული ამომრჩევლის მონახულება ცესკოს ტრადიციად იქცა და მისი მიზანია თითოეული მოქალაქის მონაწილეობისა და მნიშვნელობის ხაზგასმა:
„ეს არის გზავნილი ყველა უხუცესისთვის, რომ მათი მონაწილეობა არჩევნებში ისეთივე ღირებულია, როგორც ნებისმიერი თაობის“.
შეხვედრას ჩუღურეთის საოლქო საარჩევნო კომისიის თავმჯდომარე თინათინ კალმახელიძე და კომისიის წევრი ირმა ფიდაშვილიც ესწრებოდნენ.