შინაგან საქმეთა სამინისტრომ ტრეფიკინგის ბრალდებით ერთი პირი დააკავა
ცენტრალური კრიმინალური პოლიციის დეპარტამენტის ინფორმაციით, 1971 წელს დაბადებულ ნ.გ.-ს ბრალი ედება ადამიანის შრომითი ექსპლუატაციაში.
გამოძიების თანახმად, მან ფინანსური სარგებლის მიღების მიზნით, მძიმე მდგომარეობაში მყოფი 1981 წელს დაბადებული ი.შ. გადაიბირა და ფიზიკური თუ ფსიქოლოგიური ძალადობით აიძულებდა, მტვირთავად ემუშავა ხილ-ბოსტნის მაღაზიაში, ან შემოსავალის გარეშე ეთხოვა მოწყალება ქუჩაში.
ბრალის დამტკიცების შემთხვევაში, ნ.გ.-ს 12 წლამდე პატიმრობა ემუქრება.
საქმეზე გამოძიება სისხლის სამართლის კოდექსის 143¹ მუხლის პირველი ნაწილით მიმდინარეობს.