ყალბი მართვის მოწმობის გასაღების ფაქტზე ერთი პირი დააკავეს
საქართველოს ფინანსთა სამინისტროს საგამოძიებო სამსახურის თანამშრომლებმა, ოპერატიულ-სამძებრო და საგამოძიებო მოქმედებების შედეგად, ყალბი ოფიციალური დოკუმენტის დამზადება-გასაღების ფაქტზე ერთი პირი დააკავეს.
🔎 გამოძიების მიხედვით, ბრალდებულმა 700 აშშ დოლარის სანაცვლოდ მოქალაქეზე გაასაღა ყალბი ქართული მართვის მოწმობა.
მომხდარზე დაწყებულია გამოძიება საქართველოს სისხლის სამართლის კოდექსის 362-ე მუხლის მეორე ნაწილით, რაც გულისხმობს ოფიციალური დოკუმენტის დამზადება-გასაღებას. აღნიშნული დანაშაული ისჯება თავისუფლების აღკვეთით, ვადით სამიდან ექვს წლამდე.
📌 საგამოძიებო სამსახური აქტიურად აგრძელებს მუშაობას დანაშაულში ჩართული სხვა პირების დადგენისა და მხილების მიზნით.
🔔 სამართალდამცავი უწყებები კვლავ მოუწოდებენ მოქალაქეებს, თავი შეიკავონ კანონდარღვევისგან და სამართლებრივი პროცედურებით ისარგებლონ, რათა თავიდან იქნეს აცილებული მსგავსი დანაშაულის ჩადენა და მასთან დაკავშირებული სამართლებრივი შედეგები.