ქორეოგრაფიულმა ანსამბლმა „იბერიამ“ ბათუმის საერთაშორისო ფესტივალში მიიღო მონაწილეობა

10-15 ივლისს, ქ. ბათუმის საზაფხულო თეატრში გამართულ საერთაშორისო ფესტივალზე „GOLD STAR–2025“, მარნეულის მუნიციპალიტეტის კულტურის ცენტრთან არსებულმა ქორეოგრაფიულმა ანსამბლმა „იბერიამ“ მიიღო მონაწილეობა.

ფესტივალი სხვადასხვა კულტურული და შემოქმედებითი კოლექტივების მონაწილეობით გაიმართა. ანსამბლმა „იბერიამ“ დამსწრე საზოგადოებას ქართული ცეკვები წარუდგინა და სპეციალური აღიარება დაიმსახურა.

ღონისძიების ორგანიზატორების მხრიდან ანსამბლის ყველა მონაწილეს გადაეცა სამახსოვრო დიპლომი.