ქვემო ქართლში „საქართველოს ახალგაზრდული ოლიმპიური ფესტივალის“ წინასწარი შეჯიბრებები წარმატებით დასრულდა
პროექტი საქართველოს ეროვნული ოლიმპიური კომიტეტის ინიციატივითა და მთავრობის მხარდაჭერით ხორციელდება. რეგიონში სპორტული უწყებებისა და ადგილობრივი ხელისუფლების წარმომადგენლები რუსთავში მზადების პროცესს ადგილზე გაეცნენ და სპორტსმენებს წარმატებები უსურვეს.
ფესტივალის ფინალური ეტაპი 2-6 ივნისს ბათუმში გაიმართება, სადაც ქვემო ქართლი სპორტის 14 სახეობაში იქნება წარმოდგენილი.
შეხვედრას ესწრებოდნენ როგორც სპორტული სფეროს ხელმძღვანელები, ისე ოლიმპიური ჩემპიონები, მწვრთნელები და სპორტსმენები.