უკანონო თევზჭერის ფაქტი თელავის მუნიციპალიტეტში გამოვლინდა
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის კახეთის რეგიონული სამმართველოს თანამშრომლებმა, ბრაკონიერობასთან ბრძოლის ფარგლებში, თელავის მუნიციპალიტეტში უკანონო თევზჭერის ფაქტი გამოავლინეს.
➡ სოფელ ნაფარეულის მიმდებარედ, მდინარე ლოპოტაზე, მოქალაქე თევზჭერას ელექტროიარაღის გამოყენებით ახორციელებდა. სამართალდამრღვევს უკანონოდ მოპოვებული ჰქონდა ხრამულის სახეობის 4 კგ თევზი.
❗ ვინაიდან ფაქტი შეიცავს სისხლის სამართლის დანაშაულის ნიშნებს, მასალები შემდგომი რეაგირების მიზნით შესაბამის უწყებაში გადაიგზავნა.
⚠️ ელექტროიარაღი საფრთხეს უქმნის არა მხოლოდ თევზს, არამედ წყლის ეკოსისტემაში არსებულ ყველა ცოცხალ ორგანიზმს და საშიშია ადამიანის სიცოცხლისა და ჯანმრთელობისთვისაც.
❗ ელექტროიარაღით უკანონო თევზჭერა პირველივე ჯერზე სისხლის სამართლის პასუხისმგებლობას იწვევს. დასჯადია მისი დამზადება, შეძენა, შენახვა, ტარება, გადატანა, გადაზიდვა, გადაგზავნა ან გასაღება.
➡️ ბრაკონიერობის პრევენციის, აღკვეთისა და გამოვლენის მიზნით, დეპარტამენტის ეკიპაჟები ქვეყნის მასშტაბით 24-საათიან უწყვეტ პატრულირებას ახორციელებენ.
📞 სამინისტროს ცხელ ხაზზე (153) შესულ თითოეულ შეტყობინებაზე ხორციელდება მყისიერი რეაგირება.