საქართველოს დაცულ ტერიტორიებზე ვიზიტორთა რეკორდული რაოდენობა დაფიქსირდა

📊 2025 წლის 11 თვის მონაცემებით, საქართველოს დაცულ ტერიტორიებზე რეკორდული – 1 214 653 ვიზიტორი დაფიქსირდა, რაც გასულ წელთან შედარებით 12%-იან ზრდას წარმოადგენს.

🔹 ყველაზე მეტი ვიზიტორი ეწვია:
▪️ პრომეთეს მღვიმეს
▪️ მარტვილის კანიონს
▪️ სათაფლიას
▪️ მტირალას ეროვნულ პარკს
▪️ წალკის კანიონს

🌍 ასევე, მნიშვნელოვნად გაიზარდა უცხოელი ვიზიტორების რაოდენობა, რაც კიდევ ერთხელ უსვამს ხაზს საქართველოს ბუნებრივი პოტენციალის მიმართ მზარდ ინტერესს საერთაშორისო დონეზე.

🛤️ დაცული ტერიტორიების სააგენტო განაგრძობს მუშაობას ვიზიტორებისთვის მრავალფეროვანი შთაბეჭდილებების შექმნის მიმართულებით. წლის განმავლობაში სხვადასხვა დაცულ ტერიტორიაზე მიმდინარეობდა ეკოტურისტული ინფრასტრუქტურის მოწყობა, ხოლო უახლოეს პერიოდში დაგეგმილია თბილისის ეროვნული პარკის ეკოტურისტული სივრცის გახსნა.