სუს-ში დაიწყო გამოძიება საბოტაჟისა და კომპიუტერულ სისტემაში უნებართვო შეღწევის ფაქტებზე

სახელმწიფო უსაფრთხოების სამსახურისმიერ გავრცელებული ინფორმაციით – გამოძიება დაიწყო საბოტაჟისა და კომპიუტერულ სისტემაში უნებართვო შეღწევის ფაქტებზე.

გამოძიების საფუძველი გახდა ინფორმაცია, რომ საქართველოს მთავრობის ადმინისტრაციის ვებგვერდზე სავარაუდო კიბერთავდასხმა განხორციელდა, რაც მიზნად ისახავდა არასწორი ინფორმაციის გავრცელებით ქვეყნის სახელმწიფო ინტერესების დაზიანებას, მათ შორის პოლიტიკური და ეკონომიკური ზარალის გამოწვევას.

⚠️ სუს-ის მყისიერი რეაგირება:

• მედიის წარმომადგენლებს და ცალკეულ პირებს რეკომენდაცია მიეცათ, ინფორმაციის გავრცელებისგან თავი შეეკავებინათ.

📌 გამოძიება მიმდინარეობს საქართველოს სისხლის სამართლის კოდექსის 318-ე და 284-ე მუხლებით.