სურსათის ეროვნული სააგენტოს ინსპექტორებმა რეგისტრაციის გარეშე 7 საკვები ობიექტი გამოავლინეს
სურსათის ეროვნული სააგენტოს აჭარის დეპარტამენტის ინსპექტორებმა სხვადასხვა პროფილის 7 არარეგისტრირებული ობიექტი გამოავლინეს. ობიექტები საქმიანობდნენ სააგენტოსგან მინიჭებული აღიარებისა და ეკონომიკური საქმიანობათა რეესტრის გარეშე.
მათ შორის იყვნენ:
- ფიზიკური პირი ფ. ტ. (ხელვაჩაური, სოფელი მახო) – ფრინველთა სასაკლაოზე გამოვლინდა კრიტიკული შეუსაბამობები, ფრინველი იკვლებოდა ვეტერინარული ზედამხედველობის გარეშე, დაილუქა საეჭვო წარმომავლობის ფრინველის ხორცი;
- ფიზიკური პირი დ. ა. (ხელვაჩაური, ფანასკერტელ-ციციშვილის N 29) – ფრინველთა სასაკლაოში გამოვლინდა კრიტიკული შეუსაბამობები;
- ფიზიკური პირი დ. მ. (ბათუმი, დაუდ ასამბაძის 3 ა) – ცხოველთა სასაკლაოზე გამოვლინდა კრიტიკული შეუსაბამობები, აგრეთვე დაილუქა ჯანმრთელობის ნიშანდების გარეშე ხორცი;
- შპს „ბაკური“ (ბათუმი, სევერიან აჭარელის ქ. N 4 – აგრარული ბაზარი) – ქათმის სარეალიზაციო სივრცეში გამოვლინდა კრიტიკული შეუსაბამობები, სადაც ბიზნესოპერატორი დაკვლის ადგილზევე უწევდა რეალიზაციას ფრინველის ხორცს;
- ფიზიკური პირი ნ. ს. (ქობულეთი, თავისუფლების ქ. N 17) – ობიექტზე გამოვლინდა კრიტიკული შეუსაბამობები, დაილუქა საეჭვო წარმომავლობის ხორცი;
- ინდმეწარმე ი. კ. (ქობულეთი, რუსთაველის ქ. 168) – საქმიანობდა რეგისტრაციისა და აღიარების გარეშე, ხორცპროდუქტების საწარმოში გამოვლინდა კრიტიკული შეუსაბამობები.
ინსპექტორებმა ყველა შენობა-ნაგებობა ლიკვიდაციის ან აღმოფხვრის მიზნით შესაბამისი ღონისძიებებით უზრუნველყვეს.