სტამბოლში 6.2 მაგნიტუდის სიმძლავრის მიწისძვრა მოხდა
თურქეთში ძლიერი მიწისძვრა მოხდა. ყველაზე ძლიერი ბიძგები ქალაქ სტამბოლში იგრძნობოდა– იყო ნგრევა, დაშავდა 151 ადამიანი. მიწისქვეშა ბიძგების სერიის ყველაზე მძლავრი ბიძგი 6.2 მაგნიტუდით განისაზღვრა. მთავარ მიწისძვრას მოჰყვა 127 მეორადი ბიძგი. მიწისძვრამ მოსახლეობაში პანიკა გამოიწვია.
სეისმოაქტივობის ეპიცენტრი მარმარილოს ზღვა იყო, თურქეთის მეგაპოლისამდე 60 კმ-ის დაშორებით. ადგილობრივი მედიის ცნობით, ეს რეგიონში ბოლო 25 წლის განმავლობაში ყველაზე ძლიერი მიწისძვრაა.