საქართველოში სამართლებრივი საფუძვლის გარეშე მყოფი 5 უცხო ქვეყნის მოქალაქე დააკავეს
შინაგან საქმეთა სამინისტროს მიგრაციის დეპარტამენტის და სასაზღვრო პოლიციის თანამშრომლებმა, ერთობლივად ჩატარებული კომპლექსური ღონისძიებების შედეგად, ინდოეთის, პაკისტანის, ნიგერიისა და ნეპალის — სულ ხუთი მოქალაქე დააკავეს.
გამოძიებით დადგინდა, რომ აღნიშნული პირები საქართველოში იმყოფებოდნენ სამართლებრივი საფუძვლის გარეშე და ბოროტად სარგებლობდნენ თავშესაფრის პროცედურით გათვალისწინებული ვადებით. ისინი წლების განმავლობაში არ ტოვებდნენ ქვეყანას, მიუხედავად იმისა, რომ აღარ გააჩნდათ საქართველოს ტერიტორიაზე ყოფნის კანონიერება.
შინაგან საქმეთა სამინისტროს მიგრაციის დეპარტამენტმა მიიღო გადაწყვეტილება მათი დაკავების თაობაზე, ვინაიდან მათ არ ისარგებლეს გაძევების გადაწყვეტილებით განსაზღვრული ვადებით, რაც ნებაყოფლობით ქვეყნის დატოვებას გულისხმობდა.
ამ დროისთვის დაკავებული პირები მოთავსებული არიან მიგრაციის დეპარტამენტის დროებითი განთავსების ცენტრში, საიდანაც ისინი შეერთებულ იქნებიან თავიანთი წარმოშობის ქვეყნებში დაბრუნების პროცესში.