საქართველოს სოფტბოლის ახალგაზრდულმა ნაკრებმა ევროპის თასზე უკრაინა დაამარცხა
იტალიაში მიმდინარე ევროპის „მასიმო რომეოს“ თასის გათამაშების ფარგლებში, საქართველოს სოფტბოლის ახალგაზრდულმა ნაკრებმა პირველი გამარჯვება მოიპოვა. ქართველმა სპორტსმენებმა უკრაინის ნაკრები ანგარიშით 4:3 დაამარცხეს.
შეხვედრა დაძაბულ ბრძოლაში წარიმართა, თუმცა საქართველოს გუნდმა უპირატესობა ბოლომდე შეინარჩუნა და ტურნირი გამარჯვებით დაიწყო.
ჯგუფური ეტაპის მომდევნო მატჩებში საქართველოს სოფტბოლის ახალგაზრდული ნაკრები ხორვატიისა და ჩეხეთის ნაკრებებს დაუპირისპირდება.