საქართველოს პრემიერ-მინისტრი თურქმენეთში გაემგზავრა
საქართველოს პრემიერ-მინისტრი ირაკლი კობახიძე მონაწილეობას მიიღებს მშვიდობისა და ნდობის საერთაშორისო წლისადმი მიძღვნილ საერთაშორისო ფორუმში, რომელიც თურქმენეთის მუდმივი ნეიტრალიტეტის 30 წლის იუბილესთან დაკავშირებით იმართება.
ფორუმის პლენარულ სესიაზე, თემით – “მშვიდობა და ნდობა: მიზნების ერთობლიობა მდგრადი მომავლისთვის”, მთავრობის მეთაური სიტყვით გამოვა.
ვიზიტის ფარგლებში დაგეგმილია პრემიერ-მინისტრის ორმხრივი შეხვედრები სხვა ქვეყანათა ლიდერებთან.
ირაკლი კობახიძე თურქმენეთში ოფიციალურ დელეგაციასთან ერთად გაემგზავრა. დელეგაციის შემადგენლობაში არიან:
- საგარეო საქმეთა მინისტრი მაკა ბოჭორიშვილი
- მთავრობის ადმინისტრაციის უფროსი ლევან ჟორჟოლიანი.