საქართველოს განათლების, მეცნიერებისა და ახალგაზრდობის სამინისტრო, მსოფლიო ბანკის მხარდაჭერით, აგრძელებს
“ინოვაციის, ინკლუზიურობის და ხარისხის პროექტის – საქართველო I2Q” განხორციელებას.
საქართველოს პარლამენტმა პლენარულ სხდომაზე მხარი დაუჭირა გადაწყვეტილებას პროექტის ვადების გახანგრძლივებასთან დაკავშირებით.
“ინოვაციის, ინკლუზიურობის და ხარისხის პროექტი – საქართველო I2Q” ემსახურება:
ადრეული და სკოლამდელი განათლების ხარისხისა და ხელმისაწვდომობის ზრდას;
ზოგადი განათლების საფეხურზე, სწავლა-სწავლების ხარისხის ამაღლების მიზნით, საგანმანათლებლო გარემოს გაუმჯობესებას;
უმაღლესი განათლების ინტერნაციონალიზაციის ხელშეწყობას;
უმაღლესი განათლების სფეროში დაფინანსების შესაძლებლობებისა და განათლების მონაცემთა სისტემის განვითარებას;
დაინტერესებულ მხარეებთან კომუნიკაციისა და კოორდინაციის გაძლიერებას.
პროექტის ფარგლებში უკვე რეაბილიტირებულია სასკოლო მზაობის 147 სივრცე, ხოლო 22 სკოლაში აქტიურად მიმდინარეობს სრული რეაბილიტაციის სამუშაოები.
საქართველოს განათლების, მეცნიერებისა და ახალგაზრდობის სამინისტრო