საფინანსო-საბიუჯეტო კომიტეტი: ძირითადი ეკონომიკური მაჩვენებლებით, საქართველო ერთ-ერთი საუკეთესოა ევროკავშირის წევრ, ევროკავშირის კანდიდატ თუ სხვა ქვეყნებს შორის

პარლამენტის საფინანსო-საბიუჯეტო კომიტეტმა მოამზადა ანალიზი, რამდენიმე დღის წინ ევროკომისიის მიერ გამოქვეყნებულ 2025 წლის გაზაფხულის ეკონომიკურ პროგნოზებზე: ევროკავშირის, კანდიდატ და სხვა ქვეყნებისათვის.


დოკუმენტი 244 გვერდიანია. გამოყოფილია ოთხი ძირითადი ეკონომიკური პარამეტრი, რომელიც განსაზღვრავს ქვეყნის განვითარებას. ესენია: ეკონომიკური ზრდის ტემპი; მთავრობის ვალის სიმცირე ეკონომიკასთან მიმართებაში; დაბალი ინფლაცია; ბიუჯეტის დეფიციტი, რომელიც ევროპული კანონმდებლობით 3%-ს არ უნდა აღემატებოდეს;


„ყველა ამ მაჩვენებლებით, საქართველო ერთ-ერთი საუკეთესოა ევროკავშირის წევრ, კანდიდატ თუ სხვა ქვეყნებს შორის. მთავარია, ქვეყანამ ეს ტემპი შეინარჩუნოს, რათა უახლოეს წლებში ცხოვრების დონით დაეწიოს აღმოსავლეთ ევროპის და შემდგომ, დასავლეთ ევროპის ქვეყნებს“, – აცხადებენ საფინანსო-საბიუჯეტო კომიტეტში.

ინფორმაციას საქართველოს პარლამენტი ოფიციალური გვერდი ავრცელებს.