საფეხბურთო სკოლა „ალგეთი“ ბავშვთა ტურნირს – „მეგობრობის თასს“ მასპინძლობს
საფეხბურთო სკოლა „ალგეთი“ ახალ ინიციატივას იწყებს და ბავშვთა საფეხბურთო ტურნირს – „მეგობრობის თასს“ გამართავს.
ტურნირში მონაწილეობას მიიღებენ 2015 წელს დაბადებული ფეხბურთელები. ერთმანეთს დაუპირისპირდებიან გუნდები: ჭიათურა, ალბატროსი, ვიკინგები და ალგეთი.
ტურნირი ერთდღიანი იქნება. გუნდები კენჭისყრით შემთხვევითი შერჩევით დაწყვილდებიან. გამარჯვებულები ფინალში პირველობისთვის იბრძოლებენ, ხოლო დამარცხებული გუნდები მესამე ადგილისთვის შეხვდებიან ერთმანეთს.
ტურნირი „ალგეთი არენაზე“ გაიმართება.