საპატრიარქოსა და ახალგაზრდობის სააგენტოს შორის მემორანდუმი გაფორმდა
10 ივლისს საქართველოს საპატრიარქოს საზოგადოებასთან ურთიერთობის სამსახურსა და ახალგაზრდობის სააგენტოს შორის თანამშრომლობის მემორანდუმი გაფორმდა.
შეთანხმების ფარგლებში, ახალგაზრდობის სააგენტოს ბანაკებში სასულიერო პირები და ფსიქოლოგები ახალგაზრდებთან ნარკოდამოკიდებულების პრევენციისა და სხვა აქტუალურ საკითხებზე შეხვედრებსა და ლექცია-სემინარებს ჩაატარებენ.
თანამშრომლობა კიდევ უფრო გაძლიერდება სხვადასხვა მნიშვნელოვან თემებზე ცნობიერების ამაღლების მიმართულებითაც.
შეხვედრაზე წარმოდგენილი იყო ერთობლივი პროექტების შესახებ ვიდეორგოლიც, რაც უკვე არსებულ წარმატებულ პრაქტიკას წარმოაჩენდა.
