სამხრეთ კორეის პრეზიდენტი,იუნ სოკ იოლი სამართალდამცველებმა დააკავეს
სამართალდამცველებმა სამხრეთ კორეის პრეზიდენტი,იუნ სოკ იოლი დააკავეს. ინფორმაციას ამის შესახებ „ბიბისი“ ავრცელებს.
„დავთანხმდი დაკავებას მიუხედავად იმისა, რომ ეს არის უკანონო გამოძიება, რათა თავიდან ავიცილოთ რაიმე არასასიამოვნო სისხლის ღვრა“, – განაცხადა სამხრეთ კორეის პრეზიდენტმა.
პოლიციამ პრეზიდენტის რეზიდენციის მიმდებარე ტერიტორიაზე დაახლოებით ათასი სამართალდამცელი განალაგა. პრეზიდენტის რეზიდენციასთან იუნ სოკ იოლის მხარდამჭერებსა და პოლიციას შორის შეტაკება მოხდა, რის შედეგადაც ერთი ადამიანი დაშავდა.