სამეგრელოში პოლიციამ არალეგალური იარაღის დიდი ოდენობა ამოიღო – დაკავებულია ორი პირი
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტმა იარაღისა და საბრძოლო მასალის უკანონოდ შეძენა-შენახვა-ტარების ბრალდებით ორი პირი – 1972 წელს დაბადებული თ.ს. და 1985 წელს დაბადებული ვ.ს. – დააკავა.
ჩხრეკისას სამართალდამცველებმა დიდი ოდენობით იარაღი და საბრძოლო მასალა ამოიღეს, მათ შორის:
- 2 ავტომატი,
- პისტოლეტი,
- მცირეკალიბრიანი შაშხანა,
- ყუმბარმტყორცნი,
- ხელყუმბარა,
- 777 ვაზნა,
ასევე აღმოჩენილია ნარკოტიკული საშუალება „მარიხუანა“.
ბრალდებულებს 7 წლამდე თავისუფლების აღკვეთა ემუქრებათ.
გამოძიება სისხლის სამართლის კოდექსის 236-ე და 260-ე მუხლებით გრძელდება.