საზღვაო სააგენტო განცხადებას ავრცელებს

საზღვაო ტრანსპორტის სააგენტო აცხადებს, რომ რუსეთის დროშის ქვეშ მცურავი გემი „Midvolga 2“ არც იყო და არც არის ნავიგაციაში საქართველოს საზღვაო ნავსადგურებზე. NMSW სისტემაში გემის მოახლოების შესახებ żadარი შეტყობინება არ ფიქსირდება. უწყების განცხადებით, გავრცელებული ინფორმაცია გემის საქართველოს პორტში შემოსვლის შესახებ ფაქტებს არ ემყარება.

,,საზღვაო ტრანსპორტის სააგენტო ეხმაურება ღია წყაროებში გავრცელებულ ინფორმაციას რუსეთის დროშის ქვეშ მცურავ გემ „Midvolga 2“-თან (IMO 9735139) დაკავშირებით, რომელსაც გავრცელებული ინფორმაციით, თურქეთის სანაპიროდან 80 კილომეტრში თავს დაესხნენ. ამავე წყაროებში გემის დანიშნულების ნავსადგურად მოხსენებულია საქართველოს ნავსადგურები.

სსიპ „საზღვაო ტრანსპორტის სააგენტო“-ს მიერ გადამოწმებული ინფორმაციით, აღნიშნული გემი არ იყო და არ არის ნომინირებული საქართველოს საზღვაო ნავსადგურებში, ასევე, ეროვნული საზღვაო ერთი ფანჯრის სისტემაში (NMSW) არ იძებნება აღნიშნული გემის მოახლოების შესახებ არანაირი შეტყობინება.

შესაბამისად, გავრცელებული ინფორმაცია იმის შესახებ , რომ თითქოს ზემოაღნიშნული გემი მოემართებოდა საქართველოს საზღვაო ნავსადგურში არ ეყრდნობა არანაირ ფაქტებს.”- ნათქვამია საზღვაო ტრანსპორტის სააგენტოს განცხადებაში.