საერთაშორისო ტურიზმიდან შემოსავლები რეკორდულ მაჩვენებელს აღწევს – 6 თვეში თითქმის 2 მილიარდი დოლარი
2025 წლის იანვარ-ივნისში საქართველომ საერთაშორისო მოგზაურობიდან 1.97 მლრდ აშშ დოლარის შემოსავალი მიიღო, რაც 3.8%-ით მეტია წინა წლის ანალოგიურ პერიოდთან შედარებით და რეკორდულ მაჩვენებლად ითვლება.
ტურიზმიდან მიღებული შემოსავლები მნიშვნელოვნად აღემატება პანდემიამდელ დონესაც – 2019 წლის ანალოგიურ მაჩვენებელს 35.4%-ით გადააჭარბა.
მხოლოდ მეორე კვარტალში (აპრილი-ივნისი), ტურიზმიდან შემოსავალმა 1.145 მლრდ აშშ დოლარი შეადგინა, რაც წინა წელთან შედარებით 5%-ით მატებაა.
შემოსავლების ზრდის ტენდენცია დაფიქსირდა ტურისტების ძირითადი გამომგზავნი ბაზრებიდან, მათ შორის:
- ისრაელიდან – ზრდა 66.4 მლნ აშშ დოლარით (37.9%) და ჯამურად 241.9 მლნ აშშ დოლარი;
- ევროკავშირისა და დიდი ბრიტანეთის ქვეყნებიდან – ზრდა 30.7 მლნ აშშ დოლარით (12.5%) და ჯამურად 277.0 მლნ აშშ დოლარი;
- აზერბაიჯანიდან – ზრდა 24.1 მლნ აშშ დოლარით (30.7%) და ჯამურად 102.6 მლნ აშშ დოლარი;
- საუდის არაბეთიდან – ზრდა 6.2 მლნ აშშ დოლარით (18.9%) და ჯამურად 38.8 მლნ აშშ დოლარი;
- სომხეთიდან – ზრდა 1.8 მლნ აშშ დოლარით (2.8%) და ჯამურად 66.0 მლნ აშშ დოლარი.
ტურიზმის ეროვნული ადმინისტრაციის ინფორმაციით , ზრდის ტენდენცია დადებითად აისახება როგორც ქვეყნის ეკონომიკაზე, ასევე სერვისების სექტორის განვითარებაზე.