რუსთავში მოდებაძის ქუჩის მასშტაბური რეაბილიტაცია მიმდინარეობს
ცრუსთავში მნიშვნელოვანი ინფრასტრუქტურული პროექტი – მოდებაძის ქუჩის სრული რეაბილიტაცია აქტიურ ფაზაშია. ამ ეტაპზე, 21,000 კვ.მ-ზე ასფალტის საფარის დაგება მიმდინარეობს, რაც ქუჩის მოდერნიზაციის ერთ-ერთი ძირითადი ნაწილია.
სატრანსპორტო თვალსაზრისით ერთ-ერთი ყველაზე დატვირთული ქუჩის სარეაბილიტაციო ზონის საერთო ფართობი 32,000 კვადრატული მეტრია. გზის გამძლეობისა და ექსპლუატაციის ვადის მაქსიმალურად გასაზრდელად პროექტი სამფენიან ასფალტის საფარს ითვალისწინებს.
📌 პროექტის ფარგლებში გათვალისწინებულია:
- ახალი ტროტუარებისა და ველობილიკების მოწყობა
- მწვანე ზონების, სარწყავი და სანიაღვრე ქსელების მოწყობა
- გარე განათების სისტემის განახლება (70 ახალი ბოძი)
- საზოგადოებრივი ტრანსპორტის 6 მოსაცდელის მოწყობა
✅ რეაბილიტაციის პროცესში სრულად მოწესრიგდა მიწისქვეშა კომუნიკაციები – GWP-მა განაახლა წყალსადენი და წყალარინების ქსელი, ხოლო „ენერგოპრო ჯორჯიამ“ და „სოკარ ჯორჯია გაზმა“ შეცვალეს შესაბამისი საინჟინრო კომუნიკაციები.
💰 პროექტის ბიუჯეტი – 6,101,101 ლარია და იგი სრულად ფინანსდება სახელმწიფო ბიუჯეტიდან.
მოდებაძის ქუჩის რეაბილიტაცია მნიშვნელოვნად გააუმჯობესებს ტრანსპორტის მოძრაობას, მოქალაქეთა ყოველდღიურ მობილობასა და საცხოვრებელი გარემოს ხარისხს.